【主動學習 不會驕傲】
筆者發現狀元學生和其他學生最大的分別在於主動學習，是PRO-ACTIVE的學生，其他考得不好的學生多數是被動學習。甚麼是主動和被動學習的分別呢？被動學習，即是殺到埋嚟先解決，學生不會自己尋找必須學習的內容。但是IB狀元就算模擬考試考了滿分，都會不斷問自己，是否已經學會了所有東西，有否更難的題目可以操練？

IB狀元通常是非常謙虛的，很奇怪地，反而平時學校內最自大的學生，通常最後就是IB失手的學生。這就令我想起科技大亨Elon Musk的分享，他創辦了世界首輛電動車Tesla，在與記者訪談時，記者問他為甚麼你會這麼成功。他的答案是，我不會問身邊的朋友拿讚賞，反而是尋求批評，因為他知道，批評就是問題所在，成功解決問題，他就可以更進一步。這就如IB狀元，就算平時考得很好，就算拿了7分，IB狀元不會驕傲，反而會不斷自我挑戰，鞏固實力。

【習慣決定一切】
亞里士多德Aristotle有句名句：We are what we repeatedly do. Excellence, then, is not an act but a habit. 解釋到所有成績超卓的人士，都一定不是僥倖，而是一連串的習慣。習慣決定你的未來。所以，如果讀者有留意到我們教育中心，除了為學生提供補習之餘，我們都會訪問學生，並且問他們的習慣，例如，如何溫習，設立時間表等等。通常IB狀元非常專注，一旦他們設定了他們的讀書時間表，他們不會輕易放棄。最多IB狀元給我們未來IB學生的建議，就是：Stick to your Own schedule。只要學生指定了目標，每天溫習，就算現在學校預計你不是IB 45分，只要持之以恒，將來狀元都可以是你。

【情緒智商優越】
最後就是IB狀元，除了IQ很好，通常EQ（情緒智商）都很好。IB狀元通常不是死讀書，獨行俠的類型，他們通常除了識讀書之外，很多時候都在運動或者音樂，或者橋牌或閱讀上，都有額外興趣，而且很健談。我們發現，如果IB學生將全副精力只為讀書，不問世事，不交朋友，不參加戶外活動，反而會考得不好。原因就是學生失去了機會去建立社交活動，同時間培訓自己的EQ。因學生的學業成績不只是取決於IQ， 其實EQ亦都非常重要。我們聽過曾經有位學生平時成績都是名列前茅，但是因為和女朋友分手，不懂得如何處理情緒，最後IB由預計分42分，下跌到只有28分，可見情緒控制在IB成績成功，佔有一定的比重。筆者建議，如果學生讀書時候有問題，記得和身邊朋友，家人或師長尋求幫助。

On.cc 專欄

The post IB攻略：如何成為IB狀元 appeared first on HKEXCEL 香港NO.1 IB補習專家.

1.加拿大頭5名的大學：

根據Times Higher Education （THE）的大學排名：

1.University of Toronto
2.University of British Columbia
3.McGill University
4.McMaster University 
5.University of Montreal

排名經常都轉，究竟邊幾間係香港IB學生時常都會揀嘅呢？我會說加拿大的頭3名，係首選。原因係只有頭3名，名列大概全球大學50名內，但係一跳出來，例如第4名的Mcmaster已經接近全球大學排名第100了。講番香港大學、科技大學、中文大學都係50名內，所以IB學生考得好嘅，通常唔會揀其他多倫多、Mcgill或UBC的大學。

2.加拿大大學對IB收生的要求：
一般而言，名校例如Toronto、Mcgill收生分數大概係IB37-38分左右。當然學生要留意每個科目的收生要求，同埋科目要求。

3.加拿大大學讀幾多年：
加拿大大學一致讀4年，一年分2個Term，分別係Fall同Winter，即係秋季和冬季時段，所以4年一共有8個學期。大學一樣係採用Credit制度，同學可以選擇某些學期讀多少少，之後可以輕鬆，或者掉番轉都得。不過，有一樣係，如果學生想要讀專業學位，例如醫科、法律等等，加拿大同美國一樣，全部都要等學生畢業有第一個學位，先可以報讀。同埋，學士學位一定要同專業學位類同，例如你想報醫科，但係學士係社會科學畢業，咁你就要重新嚟過喇！

Edward
HKExcel IB Specialist共同創辦人，教育超過三千名IB學生
拔萃男書院畢業生，英國高考取得5A成績
曾獲邀到多間IB學校分享應試心得
曾撰寫「IB攻略」在書展大賣

The post IB攻略：IB學生　加國升學3大須知 appeared first on HKEXCEL 香港NO.1 IB補習專家.

1.英國大學報名用UCAS：
如果IB學生想赴英報大學，一定要經過The Universities and Colleges Admissions Service （簡稱UCAS ）。呢個制度係一個中央系統，即係學生唔係逐間敲門，要報英國大學，就一定要經UCAS。UCAS限制咗學生最多報5間英國大學，所以唔似美國咁，學生可以報10-20間大學，每間都遞表。

2.留意英國大學報名死線：
英國最出名嘅兩間大學，分別係劍橋同牛津，報名截止時間同其他大學比早上三個月。其他大學如倫敦大學，倫敦商學院，華威大學等等，截止日期通常係一月中 （例子：2020/1/15) 。但係學生報讀劍橋牛津的話，截止日期將會係前一年的10月中 (例子：2019/10/15)。不過學生要留意，UCAS係一個中央系統，如果你諗住報其他英國大學，你唔可以淨係填劍橋牛津兩間，其他唔填住，一報劍橋牛津，5間英國大學都必須10月中全部填好。 

3.英國大學只可以遞交一份個人陳述（Personal Statement）：
個人陳述佔英國大學收生準則非常大的比例，尤其係英國最高學府，學生絕對唔可以淨係靠IB成績，因為對手嚟自世界各地，報得最Top嘅大學，大家都差不多成績，如何突出自己，一定要靠個人陳述。個人陳述只可以交一份，意思即係5間大學，都係睇同一份個人陳述。如果學生心大心細，報咗法律系，又報醫科，學生嘅個人陳述唔可能標青，因為個人陳述要表達到學生對某一科的熱情同專業，學生好難喺短短幾百字介紹自己喜歡法律，又非常嚮往醫科，所以學生一定要揀定方向才報英國大學。

4..英國大學睇重實習經驗：
UCAS內裏有一欄Employment嘅表格要填寫。學生會覺得奇怪，明明係學生又點會有Employment（就業經驗）呢？IB學生如果非入英國頭5名嘅大學，就一定唔可以漏空該欄。例如，學生有意報讀法律系，應該至少要有一個喺律師樓嘅實習經驗，如果醫科生就要有喺診所或醫院實習嘅經驗。實習經驗亦都可以令學生嘅個人陳述更加豐富同充實。

The post IB攻略：英國升學4大秘技 appeared first on HKEXCEL 香港NO.1 IB補習專家.

1.全球IB考生
香港DSE考生我哋大約知道係幾萬人左右，但係IB，你又知唔知？根據IB 2018統計，全球IB考生係有成16萬3千個考生，2017嘅時候都係15萬幾左右。所以IB嘅競爭對手，唔係淨係本地學生，而係全世界，競爭一啲都唔細。不過，睇番香港，IB DIPLOMA嘅學生其實得2,285個，如果學生係用IB考試去競爭香港嘅大學，理論上應該容易過DSE，原因係，其他國家嘅學生唔會個個同你爭香港3大 （香港大學，中文大學，科技大學）。

2.IB滿分有幾多個？
當我哋舊時講10優狀元 （本地HKCEE學制），全香港媒體都會大肆報道，嗰位狀元將會係無人不曉，因為香港10優狀元或者DSE狀元，通常5隻手指數得晒。但係睇番IB狀元，全香港上年有成38個人，做狀元係咪真係咁容易呢？今次我哋唔講方法學，我哋講數據。IB 2018年全球狀元原來只有259個，全球考生有163,173個，如果你計一計，成功率得0.16%左右，即係講緊要成600個人，先有一個狀元，其實機率仲低過Google成功請人嘅機率（ 0.2%)。雖然香港多人攞IB分，但係絕對唔容易。

3.IB平均分係幾多？
IB總分45分，合格嘅分數係24分，即係IB任何一科唔好低過4分，例如Level 1,2,3 就係唔合格。2018 IB嘅平均分係29.76，2017就29.87，其實年年都係大約呢個分數左右，最緊要知道高過，或者低過IB平均分有冇特別獎賞或懲罰呢？答案係冇嘅！平均分從來都係作參考用，報名牌大學，你要留意嘅係大學要求嘅IB分數，唔係IB嘅平均分。如果有IB學生預計分30分左右，仲沾沾自喜高過2018平均分，咁就大鑊啦！因為你大學報唔到幾間好嘅Top Tier大學。咁你會問有咩分數平均係緊要，最緊要就係每一科Level 7，level 6嘅平均分，一份卷90分滿分，我要考幾多分先可以考到個7分呢？考7分唔係等於滿分，總會有個範圍畀你，用呢個分數衡量自己表現如何，係最為實際同客觀。例如生物科目分數要78%，物理要70%等等，同學只要朝住呢個方向作為準則去努力，可能下一個45/45都會係你！

https://hk.on.cc/hk/bkn/cnt/lifestyle/20190115/bkn-20190115130055224-0115_00982_001.html?eventsection=hk_lifestyle&eventid=4028828d64b085800164ccb070530c7e

The post IB攻略：IB的迷思 appeared first on HKEXCEL 香港NO.1 IB補習專家.

首先講講澳洲國際學校啦（Australia International School），佢哋嘅IB考試唔係5月，而係11月，所以IB考試卷嘅Timezone係完全唔同，舊時呢就11月嘅IB考試通常係容易啲嘅，不過近來澳洲Timezone的考試都愈來愈難，有啲題目甚至難過5月份。咁澳洲國際有冇學生考其他考試？有！答案就係HSC，即係High School Certificate，相信好多家長都未聽過。呢個考試淨係畀澳洲Year 11及Year 12嘅學生去讀，總共有成100個Course讀，仲多過IB。不過大家知道，點都係IB出名啲，所以國際認可，一定係讀IBDP，就算攞住IB成績去報澳洲大學，難度亦都不是非常高。

另外一間就係加拿大國際，入面有個專係畀加拿大大學認可嘅考試，叫OSSD（Ontario Secondary School Diploma），呢個考試相對容易過IB，有啲學生IB考得唔好，會用OSSD取代。OSSD評分方式用Credit制度，即係好似大學咁。就讀學生年齡就係Grade9-12，較早開始。若要通過OSSD，學生要有18個Credit，當中包括：
4 English（Grade 9, 10, 11 12）英文
3 Mathematics（Grade 9, 10 11）數學
2 Science（Grade 9, 10）科學
1 French（or substituted language）法文
1 Canadian History 歷史
1 Canadian Geography 地理
1 Arts（music, art of drama）藝術
1 Health and Physical Education 健康與體育
0.5 Career Studies 就業學
0.5 Civics 人文學
以上有15個Credit，其餘嘅3個可以在下面選擇
1 additional credit in English, or Social Sciences or Humanities, or Canadian or World Studies, or International Languages （社會科學，國際語言等）
1 additional credit in Health or Physical Education of the Arts of Business Studies （商業學）
1 additional credit in Science（Grade 11 or 12）or Technology Education （科技教育）
當然有好多考得好嘅IB學生，佢哋會直接用IB分數轉換成OSSD分數。除了讀書之外，學生都要做40小時的Community Service幫助社會，情況同IB嘅CAS一樣。

至於本地學校兼制IB嘅，MYP讀嘅多數係DSE課程，程度之唔同相信大家一眼睇得出。點解本地名校例如拔萃男書院、聖保羅男女，點解佢哋嘅IB考試平均分咁高，有好大原因係佢哋舊時讀咗個難嘅制度先，尤其係科學、數學，通常本地學生都略勝一籌，但係英文就另計。

https://hk.on.cc/hk/bkn/cnt/lifestyle/20190122/bkn-20190122130021127-0122_00982_001.html?eventsection=hk_lifestyle&eventid=4028828d64b085800164ccb070530c7e

The post IB攻略：IB學校唔係只讀IB appeared first on HKEXCEL 香港NO.1 IB補習專家.

香港考試課程，百花齊放，有舊時中學HKCEE會考，高考A LEVEL制度，2012年後又改制到HKDSE。而英國考試又有Edexcel，Cambridge，OCR，AQA等等嘅Exam Board。美國就有SAT同ACT，搞到家長頭都大埋。近年又興起IB，唔單止香港認可，外國大學都接受IB考試分數，不過呢，如果家長認識啲國際學校嘅小朋友或者家長，你又會發現，有啲學生讀Btec，IBMYP，有啲又讀IGCSE。唔熟國際學校嘅家長，真係一頭霧水，唔好話揀學校，揀完重要諗讀乜！今次筆者會同大家分享返IB嘅由來同考試制度。

IB係1968年，瑞士人發明嘅讀書制度。全球化底下，好多在職父母都要飛嚟飛去，本身可能喺德國做嘢，公司擴充去亞洲，可能又被分配到其他地方，啲仔女都要跟埋過去。但係，每個地方都有自己嘅語言，同埋學制，例如中國行普通高考，但係香港行DSE，根本就無一個學制係全球統一化。你不嬲學開英文嘅科目，掉咗去香港被迫要讀DSE中文，俗稱死亡之卷，天才極都會肥佬，皆因你都唔熟個學制。由於係咁，所以就有統一學制，適合飛嚟飛去嘅學生讀。因為你去到邊，讀嘅科目都係一樣，考試唔會因為地區轉變而改變。不過呢個學制喺香港，就變咗質。通常家長揀IB學校，唔係因為公幹嘅需要，而係為咗避開本地考試嘅競爭，揀一條容易啲嘅路上大學。

咁IB係讀啲乜呢？佢有分IBPYP，IBMYP，IBDP同IBCP。PYP嘅P係Primary，即係小學課程，MYP嘅M就係Middle Year咁解，即係中學課程，最後就係Diploma嘅IBDP，即係預科，準備讀大學嘅預備班，為期兩年，Year12同Year13，即係我哋嘅中五、中六。咁IBCP係乜？讀晒以上嗰啲都升大學啦，仲有考試？其實IB制度都好周詳嘅，香港上唔到大學嘅，會去IVE職業訓練，而IBCP嘅Career Program，就係畀啲考得唔好嘅學生讀。IBDP要讀6科，但係CP就兩科搞掂，最多讀4科。不過，IBCP讀大學基本無保證，因為全球都係收IBDP嘅學生，CP讀完要讀Foundation上其他大學或者要出嚟做嘢。如果家長係Year 13收到學校通知，叫你轉IBCP，因為之前考得唔好，記得幾大都唔好轉，寧願搵補習惡補，都唔好轉制，如果唔係，呢幾年嘅IB學費嘥晒，考完重要冇大學收，讀嚟其實都無謂。

https://hk.on.cc/hk/bkn/cnt/lifestyle/20180808/bkn-20180808173105153-0808_00982_001.html

The post IB攻略：IB國際文憑的由來 appeared first on HKEXCEL 香港NO.1 IB補習專家.

【IB如何保持評分？】
IB係全世界少數容許考生來自世界各地，但係評分準則不變嘅考試制度。但係全世界咁多考生，IB究竟點樣評分，先可以保持水平一樣呢？當然，如果你講緊改IB數學卷，唔會有任何難度，因為大家都係對數字，最難嘅往往係寫作問題。

例如，英文要你根據Audience，Text， Purposes，Features去評論一篇文章嘅時候，同學點樣寫先可以畀7分？會唔會有個A考官覺得呢篇幾好就畀7分，另一個嚴格嘅B考官，唔好彩嘅學生就可能只攞到6分。其實，IB成個評核過程相當嚴謹。為咗確保評分標準統一，IB會畀考官做五份同一科目嘅操練卷，確保考官熟悉點樣評分，而操練卷全部都已經由資深嘅考官打分並且寫上評語，供新進嘅考官參考。考官完成操練卷後，IB會要求佢哋再做五份測試卷，測試卷即係考官需要改卷，但係今次冇資深考官評分從旁協助，如果最後打分都達標，就可改真正試卷。如果唔合格呢？IB評分組長會畀考官改善意見後，考官須多改五份測試卷，一直改到達標先可以正式幫學生閱改，過程非常嚴謹。所以，家長喺美國考IB，同喺香港考，其實分別不大。

【IB每年有3份卷】
由於IB全世界有考試，美國、英國同香港有時差，如果某啲時區嘅學生，考完咪可以串通另一個時區嘅學生？例如香港考完，同美國學生講。由於香港同美國相差12小時，IB特登出另一份時區（timezone）嘅卷，所以你會見到IB考試卷後嘅編碼，總係有TZ1，TZ2，意思即係Timezone 時區1，時區2。TZ1 就係畀美國嘅學生，而TZ2就係畀亞洲嘅學生，包括香港，防止大家串通。順帶一提，IB澳洲大考係11月，仲有一個時區就係TZ 0，學生見到呢份卷，即係專屬澳洲嘅試卷。但係唔好覺得，我係香港考生，就唔做澳洲，美國時區嘅考試卷，因為佢哋有極大嘅參考價值。你諗吓，如果出亞洲卷嘅考官，佢點都唔可以攞返舊時TZ2嘅卷照抄，反而佢會睇TZ0，TZ1其他考官出嘅題目作為參考。筆者教育中心，之前就見到好幾份近年嘅IB考試題目，係攞咗舊時04，07年嘅試題照抄。所以同學溫咗呢啲題目，袋定有備無患。

【IB限制年齡】
IB唔似DSE、A level ，你鍾意幾時考都得，30歲走去考都可以。但係IB限制咗學生報考嘅年齡，最大個都係19歲左右，而且一定要經過學校考，無得自行報考。其中一個好大嘅原因，可能係保持IB考試嘅認受性，公平性同標準性。如果一個讀咗30年書，畢生準備IB考試，佢好有可能考得好過晒IB考生，但係其他IBDP嘅考生，只係得最後兩年讀書。所以，如果全部超齡嘅學生去報考IB，可能令IB嘅評分準則產生不公平嘅現象，所以IB學生如果考得唔好，係無翻身嘅機會。

2019年1月1日

Edward
HKExcel IB Specialist共同創辦人，教育超過三千名IB學生
拔萃男書院畢業生，英國高考取得5A成績
曾獲邀到多間IB學校分享應試心得
曾撰寫「IB攻略」在書展大賣

On.cc 原文

The post IB攻略：IB考試解構 appeared first on HKEXCEL 香港NO.1 IB補習專家.